Inloggen

Inloggen

Geen afbeeldingen

SponsorKliks, gratis sponsoren!

Hier zijn ze dan, onze nieuwe jeugdprins Jérôme I en bloemenmeisje Sam. Uitgeroepen op zondag 13 januari 2019 in het Patronaat van Welten.

jeugdprins bloemenmeisje 2019

 

Jeugdprins Jérôme I

Leejeugdprins 2019 klf lüj va Welte-Bensroa,

 

Hei bin ich da, ugge nuie Jeugprins, Jérôme d’r ieësjte!
Al 7-joar woeën ich i Welte. Ich han inne groeëte broar, d’r Jules en han twieë hoesdeere, honk Skylos en de kat Milou. Same mit mienge pap Daniel woeëne vier in de Klaversjtroat en mit mieng mam Biba woeëne vier noe in de Welterkirksjtroat. Evvel uever ee paar weëke verhoes ich mit de mam noa Bensroa. Zoeë kin ich mieng aandach tussje ozze twieë dörpkes, Welte en Bensroa, ierlig verdeële.
Ich zit op de St. Martinussjoeël i gruupke 6 bei juf Angelique en juf Margo.
Ich ving ut lestig um sjtil te blieve zitte en bin d’r kloon va de klas, same mit mieng vrung d’r Niek en d’r Bas. Wat ich hieël aadig op gen sjoeël ving is de gimles, umdat ich doa lekker mieng enerzjie kwiet ken rake.
Mieng hobbies zunt toafeltennis, scouting en natuurlik voetballe.
Op d’r playstation sjpieël ich och geer, mar aafsjpreëke mit vrung ving ich nog ut allersjunste.
De sjunste vasteloavesleedjes ving ich: Sjpringe Nondeju, Roetewisser en Leef alsof het je laatste dag is. Op dizze leedjes loop ich geer zingend in de polonaise.
Mienge groeëtste dreum is ummer geweë um as Jeugprins op inne sjieke optoghwaan te moage sjtoa en da vöal sjnuuts oet te werpe.
Dizze dreum is noe oetgekoame! Ut woar ing groeëte verrassing um te hure dat ich ugge nuie Jeugprins moag weëde en ich ving dat och ing groeëte ier!
Same mit ut Blómmemaedje Sam, de Jeugroad va 11 en alle miensje en kinger va Welte-Bensroa make vier d’r ee geweldig en sjiek Vasteloavessezoen va.
Welte-Bensroa 3-moal Alaaf!!!

 

Jeugprins Jérôme d’r ieësjte

 


Bloemenmeisje Sam

 

Leef lüj va Welte-Bensroa,bloemenmeisje 2019 kl

Hei sjtoan ich dan, Blómmemaedje Sam...wat ving ich DAT cool!
Al joare lank maak ich mieng ouwesj d’r kop gek dat ut mieng allergroëtste wunsj is um Blómmemaedje van de Vlavrèters te waede.
Zelfs aan de vrouwluuj van de Jeugdkommissie, die aafgelope september bei os op sjoël woare, han ich meteen gezag dat ich mich dat al sinds mie 4e joar wunsj!!!
Wós ich veul...dat de Vlavrèters toen al lang aan mieng ouwesj gevroagd houwe of ich ut nuuje Blómmemaedje wool waede!?!
Dat bleef vuur mich nog hiël lang ing verrassing…tot papa en mama mich ut GROËTE nuujts vertelde...wat woar ich toen BLIEJ!! Ich kós mie geluk nit op!

Ich, es Blómmemaedje van de Vlavrèters…dat kos egelik nit oetblieve.
Carnaval viere zit mich in ut blood.
Miene opa, d’r André Hesdahl, woar d’r alleriësjte Jeugdprins van de Vlavrèters in 1968!
Joare later, in 1987, woëd miene pap, d’r Marc Baadjou, Jeugdprins Marc III van de Vlavrèters. En nog wèr later, in 2015, Sjtadsprins Marc I va de Winkbülle. Mieng mam, ut Nicole Hesdahl, woar in 1992 Jeugdprinses op de basissjoël va Heëlebaan. Miene bonus-pap Bas woar in 1994 Nar in Gullepe, en mieng bonus-mam Anke in 2002 Jeugdprinses op de basissjoël va Sjandele.
En noe moag ich hei sjtoan. WIE TE GEK IS DAT…WOW!

Ich kom oet ee gezellig en biezonger gezin.
Same mit mieng groëte zus Robyn woon ich bei Mama en Bas en mie zusje Suus en breurke Daan aan de Mullender 42, hei in Welte en bei Papa en Anke en mie breurke Liam op Bensroa 50a…lekker kôt bei ee.
Natuurlik zit ich hei op de Sint Martinussjoël, in groep 6 bei juffrouw Manon. Ich goan geër noa sjoël, woë ich mieng vriendinne ziën en natuurlijk mie vriendje (al vanaaf de kleuterklas!) d’r Joep Sjniedusj (Schneiders).
In miene vrije tied sjpiël ich handbal bei H.V. Esia, zit ich bei Scouting Welten, han ich trompetles en bin ich och nog misdienaar!
Gelukkig han ich doa neave nog genôg tied um boete te sjpiële in de hut, die ich same mit een paar vriendinne han, mit mieng zuskes en breurkes te sjpiële, same mit de lego of playmobil. Mar och ee sjpelke poker doewe mit mieng ouwesj ving ich erg leuk!

Zoewe…noe wit dier weë hei vuur uch sjteet.
En ich…ich vruij mich op de Vasteloavend!
Die ich dit joar es Blómmemaedje moag goan viere.
Ich vruij mich op alle leuke activiteiten die op de planning sjtunt mit miene jeugdprins en os jeugdroad van 11, op carnavals-vriedig op sjoël, d’r sjpringmiddig, d’r groëte optoch in Heële en da in os eege Welte-Bensroa…boavenop d’r wagen, dat liek mich ZOE TE GEK!
Loat de vasteloavend mar kome! ALAAF!!!

Blómmemaedje Sam